Цыган

IRU President Stanislaw Stankiewicz thaj delegacja IRU sys ando vizita ko Presidento Parlamentosko EU Jerzy Buzek

Brussels, 26/01/2011 - President International Romani Union Stanislaw Stankiewicz thaj delegacja IRU sys ando vizita ko Presidento Parlamentosko EU Jerzy Buzek. Ande kodo kedype sys rakirdo, vorbisardo, vash but phari thaj dukhady sytuacja Romengi ando Europa thaj mashkar kodo sys phendło vash marginalizacja Romen sar nacja ando Europa.Sykade sys vi anfrałe problemy mashkar Roma. IRU prezentyndia sytuacja Romengi ande EUROPA, Sykadia Presidentoske Jerzy Buzek peskiro gindo thaj propozali vash butia politykane, vash partycypacja e Romengi ande butia, save sy te khosen bibax problemy, save barion thaj janden rasizmo, marginalizacja thaj seperacja. Kodo bibax barioł adadyves ande but thema Europakire.. IRU sykadia peskiro dykhipe vash finansyme programy, projekty vash łove , save sy pokinde Europakire fundostyr thaj phendia kaj ande kodo butia trobuj te partycypinen o Roma, save sy te keren buty vash peski nacja. "Rom żutin Romes" . IRU kerdia apelo kaj te javeł ando Europa kerdy transparentno polityka vash Roma. Pesko apelo - lil dyja direktno ando vasta ko Jerzy Buzek.

Prezydento Parlamentosko Jerzy Buzek phendia, kaj kodo kedype sy but importantno tah deł respekto delegacjake IRU thaj phendia kaj e problemy romane ande Europa sy te javen ando polityka themengi sar jekh prioriteto ande sako them, savo sy membro ande EU.ande thema ande save Roma sy dykhade thaj nane respektyme sar themeskire manusha, saven nane statuso sar javir manusha ando them. Jov phendia kaj Romen sy adasavo kokoro drom ke sako jekh zakono ando them syr javire manushen thaj sy łen ćaćipe ko normalno dżiipen ando Europa . Trobuj te javen respektyme sar javir manusha ando Europa. O malaipen, kedypen sys kerdo ando but pralikani atmosfera, ando patyv thaj respekto.

RROM PO DROM